“Зайырлы Қазақстанның рухани дамуы, теріс діни ағымдардың алдын-алу” тақырыбында жиын өткізілді

Бүгін колледжімізде “Жастар ресурстық орталығы “КММ-нің теолог және психолог мамандары Н.Сауытбаева мен Л.Сейталиеваның ұйымдастыруымен “Зайырлы Қазақстанның рухани дамуы, теріс діни ағымдардың алдын-алу” тақырыбында жиын өткізілді. Жиынға “Тәйтелі-Ата” мешітінің имамы М.Сұлтанқұлов қатысты.

Мақсаты: теріс діни ағымдардың қоғамға тигізетін кері әсері туралы және жасөспірімдердің бойында келеңсіздіктердің алдын -алу.

Іс-шара барысында психолог Л.Сейталиева колледж студенттеріне диструктивті діни ағымдардың қауіптілігі және зайырлы қоғамның құндылықтары жөнінде айтып өтті.Әрі қарай мешіт имамы М.Сұлтанқұлов студент жастарға кереғар діни ағымдардың сипатын толыққанды ашып берді.