«Бақытты балалар бейбіт елдің тірегі»
«Бақытты балалар бейбіт елдің тірегі»
Колледжіміздің ІІІ курс «Тігінші» мамандығының студенттері 1-маусым балаларды қорғау күніне орай «Бақытты балалар бейбіт елдің тірегі» ұранын ұстана отырып, ауданымыздағы көп балалы отбасылар мен тұл жетім отбасынан шыққан балаларымызға мерекелік көңіл-күй сыйлау мақсатында құттықтап үйлеріне барып, кішігірім сый-сияпаттарын тарту етті.
«Біздің болашағымыз біздің қолымызда» деген студенттеріміз арттарынан еріп келе жатқан іні-сіңілілеріне қызықты әңгімелерін айтып, түрлі сұрақтарына жауап беріп, балапандармен бірге ойын да ойнады.
Бітіруші түлектерімізге риза болған ата-аналар да алғыстарын айтып, шәкірттерімізге жақсы маман иесі болуларына тілектерін білдірді. Осындай іс-шараны ұйымдастырған топ жетекшісі Құрманбекова Гүлжан Медеубекқызына да ата-аналар үлкен рақметін айтты.
